WG-Zimmer in Zürich

Ich (Riccardo, M27) und min liebe Kolleg Klemen (M28) händ grad e grossi, modärni, mega geili neui Wohnig i de Nöchi vom Bucheggplatz gmietet, und mir sueched zwei neui Mitbewohner:innen, wo mit eus eusi WG startet. Churz s Wichtigste: • 5.5 Zimmer • 2 Badzimmer... eis mit Badwanne, eis mit Dusche • Mega Beamer + Hi-Fi-Soundsystem für Film und Musig • All-inclusive-Miete: CHF 2'600/Monet – inklusiv 2.5 Gbit/s Internet, Hausratsversicherig, Serafe, Wasser, Heizig und Strom. Churz: kei böse Überraschige bi de Rächnige. • Eigeni Wöschmaschine und Tumbler i de Wohnig • Super ÖV-Verbindige • Frisch gmalet • Iizug per sofort – mir sind aber offe für en Kompromiss D Zimmer, wo im Grundriss markiert sind, sind no z ha :) D WG-Vision D Idee isch, us dem Ort langsam es richtig schöns Dihei z mache: fancy und cooli Möbel, Pflanze, Entertainment-Züg und alles, was e Wohnig zu somene Ort macht, wo mer au würkli gern Ziit verbringt. S Ziil? Lüt ume ha für es Game vom Sofa us, Filmabig mit em Beamer, Plattehör-Sessions oder e Grillade uf em Balkon bim Sunneundergang, mit emne Aperitivo i de Hand, frisch gmischt a de zuekünftige Cocktail-Station. Du chunsch druus. Und das isch sicher keis fertigs Projekt, wo mir zwei scho durre designt händ. Mir fanged mit dere WG bi null a, und wer iizieht, gstaltet mit – mit eigene Ideä, Gschmack, schräge Hobbys, Möbelvorschläg, Ritual oder was au immer drzue biitreit, dass sich das Ganze wie eus Dihei aafühlt und nöd nur wie e Wohnig, wo